რა არის ფერადი დოპლერის ულტრაბგერითი კვლევა?

ფერადი დოპლერის ულტრაბგერითი კვლევა  არის ექოსკოპური კვლევის  თანამედროვე მეთოდი, რომელიც ხმოვანი ტალღების დახმარებით უზრუნველყოფს სისხლის ნაკადის შეფასებასა და ყოველგვარი რისკის გარეშე მის დათვალიერებას. კვლევა სრულიად უსაფრთხო და არაინვაზიურია, რის გამოც იგი ხშირად გამოიყენება ორსულებში.

ეს მეთოდი გამოიყენება:

• გულისა და სისხლძარღვების (არტერიები, ვენები) შეფასებისთვის
• ორსულობის მონიტორინგისთვის — ნაყოფის ზრდისა და პლაცენტის ფუნქციის შეფასებისთვის
• ვასკულარული დაავადებების დიაგნოსტირებისთვის როგორიცაა: ათეროსკლეროზი, ანევრიზმა
• სხვადასხვა ორგანოს სისხლის ნაკადის შეფასებისთვის მაგალითად : ღვიძლსა და თირკმელებში.

ფერადი დოპლერი უზრუნველყოფს რეალურ დროში ფერად, კოდირებულ გამოსახულებებს, რაც ექიმებს აძლევს საშუალებას შეაფასონ სისხლის ნაკადის მიმართულება და სიჩქარე. პროცედურა უმტკივნეულოა, რადიაციის გარეშე ტარდება და, როგორც წესი, რამდენიმე წუთში სრულდება. კვლევის შედეგები ხშირად მზად არის მომდევნო დღეს.

საერთაშორისო პაციენტებისთვის მზადდება სპეციალური ინგლისურენოვანი დასკვნა, ხოლო პროცესი სრულად უზრუნველყოფილია თარჯიმნის მხარდაჭერით.