PET/CT (Ga-68) — ეს არის ბირთვული მედიცინის უახლესი ვიზუალიზაციის მეთოდი, რომელიც სპეციალურად არის შემუშავებული გარკვეული ტიპის სიმსივნეების გამოსავლენად, განსაკუთრებით — ნეიროენდოკრინული სიმსივნეებისა და პროსტატის კიბოს შემთხვევაში.
ამ მეთოდის დროს პაციენტის ორგანიზმში შეჰყავთ Ga-68–ით მონიშნული რადიოფარმაცევტული პრეპარატი, რომელიც უკავშირდება სიმსივნის უჯრედებზე არსებულ სპეციფიკურ რეცეპტორებს. ამის საშუალებით ხდება კიბოს კერების მაღალი სიზუსტითა და მგრძნობელობით გამოვლენა, მათ შორის — დაავადების ადრეულ სტადიაზე.
ეს მეთოდი გამოიყენება
• ნეიროენდოკრინული სიმსივნეების გამოვლენისა და სტადიის განსაზღვრისთვის
•პროსტატის კიბოს ვიზუალიზაციისთვის (Ga-68 PSMA)
• ჩატარებული მკურნალობის ეფექტიანობის შეფასებისთვის
• სიმსივნური რეციდივის აღმოჩენისთვის
PET/CT (Ga-68) უზრუნველყოფს მთელი სხეულის მაღალი მგრძნობელობის ვიზუალიზაციას, რაც შესაძლებელს ხდის ადრეულ და ზუსტ დიაგნოზს. შედეგები, როგორც წესი, შესაძლებელია, უკვე ,მიიღოთ კვლევის ჩატარებიდან მეორე დღეს.
საერთაშორისო პაციენტებისთვის მზადდება სპეციალური ინგლისურენოვანი ანგარიშები, ხოლო პროცესი მიმდინარეობს თარჯიმნის მხარდაჭერით.